26. februar 2008 la vi ut vêrstatistikksider på yr.no. På desse sidene kan du sjå temperatur og nedbør, normalar og snø frå 208 av målestasjonane i Meteorologisk institutt sin Klimadatabase. I lista nedanfor kan du klikke deg gjennom alle målestasjonane.
Lista er oppdatert per 26. februar. Nye stasjonar kan kome til eller bli fjerna frå sidene etter denne datoen.
Legg merke til at:
- Alle stasjonane målar ikkje nedbør eller snømengde. Dersom eit felt er blankt, er det fordi det manglar data frå stasjonen.
- Nokre av stasjonane har vore ute av drift eller vart starta opp seint i fjor. Desse stasjonane har ikkje komplette seriar, d.v.s. at fleire månader kan vere tomme.
- Dersom du er interessert i eldre data eller vil hente ut alle tala og lage grafar sjølv, kan du gå til eklima.met.no. eKlima er ei teneste frå Meteorologisk institutt der du kan laste ned observasjonar og andre klimadata heilt gratis.
Kommentarar