yr.no er et samarbeid mellom og

Nettkamera

yr.no viser nettkamera på vêrvarselsidene – fint om du vil sjå korleis vêret er, om det er snø og korleis føret på vegen er.

Nettkamera er henta frå tenesta www.webcams.travel. Dette er ei gratisteneste med nettkamera frå dei fleste land i verda. Tenesta blir m.a. brukt av Google Maps og fleire andre store nettstader, i tillegg til yr.no.

Har du eit nettkamera? Legg det til på yr.no!

Dersom du har eit nettkamera som viser korleis vêret er set vi stor pris på om du legg det til på webcams.travel slik at vi kan vise det på yr.no. Fordelen med å leggje det til på webcams.travel er at ikkje berre yr.no kan vise kameraet, det vil òg bli vist på svært mange andre nettstader.

Slik gjer du det:

  • Gå til www.webcams.travel/add og fyll ut skjemaet. Dersom du ikkje har vore innom webcams.travel før må du opprette ein brukarkonto.
  • Ting du må passe på når du fyllar inn informasjonen om kameraet ditt:
    • Skriv eit skikkeleg stadnamn i tittelen, f.eks. «Trondheim: Torget», ikkje «Slik er utsikta frå Firmaet AS».
    • Bruk søkjefeltet ved sidan av kartet for å finne ei grov plassering.
    • Pass på at du zoomar godt inn i kartet slik at du får plassert kameraet på heilt korrekt stad.
  • Etter at webcams.travel har godkjend kameraet ditt vil det bli vist på yr.no. Hugs at yr.no berre visar dei fire kameraene som ligg nærmast kvar stad. D.v.s. at om det er andre kamera som ligg nærmare enn kameraet ditt vil ikkje ditt kamera bli vist.

Har du funne ein feil?

Dersom du finn eit kamera som er feilplassert, har gale opplysningar e.l. kan du leggje til rettingar på webcams.travel.

Klikk på biletet slik at du går til webcams.travel. Rull litt nedover på sida. På venstre side ganske langt nede finn du lenker der du kan melde inn endringar.

Spørsmål og svar

  • Problem med å leggje til kamera på webcams.travel: Prøv å lese brukarrettleiinga på engelsk, dansk eller svensk. yr.no kan ikkje bistå deg dersom du har tekniske problem med webcams.travel, kameraet ditt e.l.
  • Kameraet mitt dukkar ikkje opp på yr.no: Sjekk at kameraet faktisk blir vist på webcams.travel, bruk søkjefeltet og sjå om du finn kameraet. Sjekk at plasseringa er heilt korrekt. Ta kontakt med webcams.travel dersom du har problem.
  • Kvifor brukar yr.no webcams.travel? yr.no har snakka om å vise nettkamera i mange år, men vi har ikkje kapasitet til å ta oss av alt det tekniske kring å ta i mot bileta, sjekke at dei er oppdaterte og at det ikkje står nakne menn framfor dei :-). Webcams.travel er brukt av mange store nettstader i verda, og er ein enkel og god måte å hente kamerabilete på. Dersom du ikkje ynskjer at kameraet ditt skal bli tilgjengeleg for «alle» på webcams.travel, vil det heller ikkje bli vist på yr.no.
Sist oppdatert 12. mars 2012 kl 10:01